CONECTA-ARTE ANTIOQUÍA

A basílica de Santa Sofía, construída polos arquitectos Artemio de Tralles e Isidoro de Mileto entre os anos 532 e 537 por orde do emperador Justiniano é o edificio máis representativo da coñecida como "Idade de Ouro" da arte do Imperio Romano de Oriente ou Imperio bizantino. No seguinte vídeo podes ver algunhas das súas claves.

Roma constituíu un inmenso estado imperial que abarcou toda a conca mediterránea e que se converterá no antecedente cultural de todo o orbe Occidental ata a actualidade a través da Idade Media e de Bizancio .   A súa arquitectura, acadou un gran desenvolvemento con tipoloxías totalmente novidosas como as basílicas, os anfiteatros, as termas, oscircos,  acueductos ou monumentos conmemorativos.  Sen lugar a dúbidas, o  Panteón é, xunto o Coliseo, unha das obras máis sobranceiras da arte romana. No seguinte documental podes coñecer algúns dos seus trazos máis característicos.   

A Acrópole de Atenas, situada nun outeiro alongado de 156 metros de altitude, sobre a cidade de Atenas, é un dos conxuntos máis completos e maxestosos da Antigüidade. Foi no século V a. C . cando, por iniciativa de Pericles, o recinto adquiriu unha monumentalidade arquitectónica da que aínda se conservan abundantes vestixios na actualidade. O seguinte vídeo propón unha visita para coñecer mellor as súas características .